Vyspuor piec jaungoda navā saprast – kas nūteik apkuortejūs. Pagaidam nikuo loba. Personeigi maņ suocēs seseja…. tod vēl mistiskī stresi, kas ir naatjemama dzeivis sastuovdaļa. Tok jūs navāg tiuļi laist sev kluot. Nervi ta vīni i nu jīm var suoktīs vysaižuokys hvarobys, nu kurejuom tod gryuši tikt vaļā. Voi cīši duorgi. Bet puorsvorā myusdīnu medicina sastuov nu pensioneru i mozu bārnu vacuoku naudys.

Pyrms svātkim nūtyka RA jauktuo kuora ”Sonitum” i  veiru kamerkuors ”Graidi” pyrmssvātku koncerts. Vysā vysumā beja skaiški.

Bet tod ”ūtrymā daļī” RA  studejūšū pošpuorvaļdis (laikam) reikuotīs koncerts, kurymā uzastuo augstškolys vītejī talanti… Nu, te vyss aizliduo pa viejam, mudruok, kai aizliekšoi pats Rūdolfs ar sorkonū dagunu. Suokūt ar divim rēperu džekim, ar sovu izpiļdiejumu i dzīsmis vuordim ”(..) сука любовь, сука любовь (..)”. Pa skaistū! Veļ beja naveikli i PAGARI numeri, bikli vadeituoji…bet kū tī. Vīneigīs īteikums – tīm organizatorim, ( kas (es cereju) naskraida pakaļ vadeituojam īspīlātuos ūzeņuos, kuram ķekars izaspīds i par jū rāc vysa škola) – . Puorskaitit, nu suokuma koč scenareju, izdūmojit, kai pajūkuot ar publiku i uztaisit kaidu mēģinuojumu, i apsaverit, cik i kaidā kvalitātē prīkšnasums, i voi atbylst tematikai. Teiri amizanti skanātu ”(..) сука любовь, сука любовь (..)”  koncertā, kas veļteits Māmeņdīnai. Nadūmojit, ka tai dūmoju es vīns. Ave!

Tai, kai niule rudiņs beja saplyuds ar zīmrudini, kas dreižuok izavēre kai puorkauseits studiņs, pīvieršu uzmaneibu sevis īvīstajam teicīņam  - komentaru kari -. Vāg že jaunu šovu, nā?! Kai tys izapauž, laikam nav juoskaidroj. Vīn pusfināls ir tys, ka jebkurā rokstā, kur byus pīmynāts koč kas par latgaliskū, tī bolsuošona i klaviaturys baksteišona aizīt leidz boltkvēlei. Nikuo jauna! Koč paskaiteitu cytu literaturu… Vyss veļās i ripoj. Aizrypoj ta da  cytom viestim kū apsprīst vysūs socialajūs portālūs. A, ja tev nav TV, kaimiņim, dorbabīdrim nav par kū ar tevi parunuot, itu palīc duraks voi čudaks. Voi obi kūpā.

Vyspuor maņ seseja.  I čajs iz golda atsaļs…

Nūvieleju vysim itym godā sasnīg sovus mierkus. Ka nav to padūmuot par taidim. Ja kuram vāg – pamainit prioritatis

I, našķaudit vīns ūtram sejā.

Gods golā i vysaidu nūtykumu. Apmierst muzikanti (ari pi myusu), apmierst diktatori (kuru i nūšaun), dobys kataklizmys, mainuos politiskī spāki (daži vnk beidzuos)… Vysa kuo cik daudz,ka naatguoduot. Maņ kai by grībīs atguoduot tū- kū mān gribīs atguoduot. Pasauļi naizgluobt. Eisti nazynu, bet maņ decembris nav nikod patics. Mistiskuo ļaužu stresuošona, svākti pošuos mieneša beiguos … i seseja 3.janvarī (jē!). Koč ari maņ itūgod tys laiks taids puordūmu laiks. Kai soka vāg nūstyprynuot prioritātis… a, tod apsavērt kai cylvāki dzeivoj Australejā i Āfrikā.

Paguošgod itym laikā vysi ņurkuom snīgā i maņ dzeivūklī beja +14 gradu. Nikas. Soltumā mīsa lobuok sasagloboj. I dzeivūklis ir lela Soltuo ustoba. Feini. Šudiņ nu reita mozguodams trauku pa lūgu pamanieju, kai sābris ar saimi nas egleiti. Tai amizanti. Tai saimiski. Tai omuleigi, ka aizmiersu īsuoktū nūdarbi.

Pats tok ar decembrī asu laids pyrmdzymtū pasaulī – gruomotys izskotā “Pyrma syltī”.

Par tū jau izbazūnāts cytūs portalūs, i es naatsakuortuošu. Viņ – sekojit informacejai. Vāluok ari ite [munā blogā] byus sadaļa ar informaceji – kas kur i kai.deļkam. par cik

Ja nabyutu koč kaida to snīga (kas gon niu ir minimaliminimali), ar krystdālu štukuom, ka varātu ustobu aizbērt ar putaplastu. I ņurkuot tī. Ja bolti, to bolti svātki i putoplasta gabaleņus piec tam varātu atrast nu jauna vysu godu, koč ustoba teira. Ja sajiutys naatīt, to juos juoroda pošim. Puorsacenst ta gon navāg. Es īšu piertī. Vyspuor piec dzymdynuošons stresim … atīt jauni, bet principā nazkaids nūgurums. Gribīs atvaļinuojuma, kuo nav bejs.

Prozit, iz Gļukveina gluozi! Kai ari boltus, meikstus, snīguotus svātkus!

Lai snīgs i boltums kotram. Kotram pa sovam.

Vysaidi nūtykumi nūteik bez īprīkšejis paziņuošonys i taidu piedejā laikā ir bejs daudzi. Vīns nu tīm, ka myusu Latgolys deputati (pagaidom, teišam izaverās, ka viņ divi, koč ari paza (!) cik sarokstu startē Latgolā) ir saškelvinieši Saeimys, da i Vaļsts sastuoviešūs iudiņus. Bet izaverās, ka mes asom taidys zivs, kurys tūmār grib dzeivuot aizdierstā i sastuoviešā iudinī. Es nimoz naatsakuortuošu, kas i kai. Bet breineigi tys, ka mes asom gotovi klaneitīs cytim i  nūstuot jūs prīškā buļvu laseituoja pozā, ar drusku nūšļukušom trenuškom, nakai paceļt augšā zemī izsvaideituos pērleitis.

Esitineibā vairs netā nav kuo skaiteit. Vysapkuort taidys mahinācejis, ļaužu ībaidiešonys ar tyvojūšūs okupaceju nu Krīvejis, ka NATO nimoz nazasteigstīs paleigā, ka pasauļa golam niule atvaļinuojums i jis puorsaceļ iz nanūteiktu laiku, tod kod jam sasagribēs. Dzierdieju taidu frāzi - Ja okupacejis nabeja i krīvi ”atbreivuo” Latveju nu ļaunim naidnīkim..ok,paļdis, tok deļkam jius palykot iz 50 godu? -

Nūmiert mes paspēsim dajebkod, bet kod tu paspiesi padzievuot, izdzeivuot dzeivi, tys ir vaicuojums. Jo myusem viņ dūts laiks nu pīdzimšonys, da nūmieršonai. Kai tu jū aizpiļdi, tys ir tova poša vaicuojums.

bombardier

Zynit, ogruok beja taidi SmSbombardieri, taida moza programmeņa, kura car netu tev varē aizsyuteit leidz pat 10 000 sms. Leluokūtīs gadīņu SIM karti vajadzē mest uorā, voi ka tev ir ostoiņi pierksti, tod varieji raudzēt juos pa mozam dzēst uorā. Dreižuok, ka tyka izmasta SIM karte i vītā dabuots jauns numers. Zynu, ka taidus bombardierus syutē Dpiļs koju laikabīdri. Pīmāram, kaidai meitinei, kas jīm zaj$%@9a, voi exdraudzinei. Teišom, tai i beja. Leluokīs pīdraudiejums izskanē na - Es tev sadūšu pa mordu – … voi otp$%@^im tevi klubā, maņ sabrauks bratani!!- , tok - Es tev bombardīri aizsyutiešu - . Ka koju laikā tyki kaidā dorbā, to vajadzē uzpaseitīs, lai tev naatīt 10 000 sms i eikss napalīk zyls.

Maņ, ar puortraukumim, ir nazkas leidzeigi. Vyspuor es par tū raksieju blogu, ruodīs, vosorā, voi tyuli tam. Kas par vaineiti? Da eisti nav. Munu telepona numeri var dabuot kai škārsteiklā, tai ari car draugim i draudzeņim. -It’s easy if you try-. Tai saceitu Dž. Lenons. Bet es teišom nasaprūtu prikolus, (voi vyspuor tys ir prikols(?!) ) zvaneitīs naktīs. Vīns zvons, verūs ir bejs 4:25. Labi tys,ka iz nakts atslādzu skani, voi maņ ir taids signals, kū eisti naktīs nadzieržu. Tys , tjip - Nu,nu…zvanēsim Raibajam..byus jūki! - Nā, ok zvonit, tok na jau naktī, kur ituos dīnnakts laikā leluokuo daļa cylvāku guļ. I voi teišom 4:25 var byut produktiva saruna?! + es nazynu, kas maņ zvona. Nā, eisti zynu. Meitinis jau ar augstuokū izgleiteibu, i tai…. Laikam dāmom tuss -> sasytom plaukstys i- 4:25 zvonom Raibajam, jis tok foršs, i  pascēs kaidu jūku, gon jau sadoncuos veļ myusem iz golda.. īslēgsim skaļrini i pakicinēsim…ai,ai,ai cik jautri myusem vysim pasasmīt –  kū ta Raibīs saceis.

Ūūūūū!  Es taidā laikā jūkuot naasu gotovs, bet pascēt puors skaistu krīvu/poļaku lomuvuordu savirknātus rindeņī varu gon. Es tok ari asu sastūpams daudzūs socialūs portalūs. Mošeņ suokt nu tīm?! Tys tai bonusa informaceja.

Vyspuor es taids cylvāks, kam laikam ir viļkme it taidim nakts zvonim. Nazkod naktīs pīdziers zvanē vīns bierneibys draugs, veļ niu atguodoju sarunu, apmāram ari, 4.00 nu reita :

- Vasals, kū dori? -

-Kū leluokuo daļa – guļu. -

Puorrunojūt itū dzeivajā i skaidrajā jis atzyna, ka tys eipaši gudri nu juo pusis nabeja.

Ou, this magic moument

Ūūūjā! Myusu seikuo vaļsteņa ari aizrauta ar skaitļim i cytom mistiskom aritmetiskom darbeibom. Kas var byut svareiguoks, kai skaitļu sasastuošona vīnā ryndā! Itymā reizē – 11.11.11 -

Taids skaitlis!!!! Spīdzom nu laimis, gavilojom prīkā, Aļļejuja! Cik ilgi mes gaidēm taidu cyparu virteni? Napaguo i godsymts. Nikas, ka nuokušgod vysi taisēs prīka pylnis biksis nu 12.12.12. Twitterī nazkuram beja lobs īrkoksts, ka tī, kas prieciešīs 07.07.07, tīm jau 65% lauleibu ir izškiertys. Amen.

Principā te nav kuo iļgai apcerēt itū temu. Itym vītā viņ datryukst Pītuka Kysteņa ar sovuom vuorsmom. Nikas, atrodu teimekī.

Mirklis, un jau ir par vēlu,
Neko vairs nevar mainīt.
Mūsu sāpēm, mūsu žēlumam
Nav nekādas nozīmes.

Tys, eisumā pagaidom vyss.

Grybu aizbraukt iz Pūleju. Smīkleigi, ka akcejuos biļetus da Waršavai, principā, lātuok var nūpierkt, kai da Reigai.

Veseleigu mīgu.

Atbraucūt nu Pūlejis EVS (European Voluntary Service), ruodīs ka breivpruoteigūs tema palīk popularuoka. Tys prīcei. Bet naprīcei tys – ļauteņi, es asu atsagrīzīs. Ar tū dūmojūt, ka (dažreiz i breivpruoteigi – pīspīdu,kai krīvu armejā) miļjons dzelu navar darēt i izdarēt. Nu dažom sovom mistiskuom jau atsakrotu, kai nu pi pierstu golu dazazeidušom maileitem. Tys vot īvods tam, ka, ja cylvāks tev dažreiz pasoka – ka nav ni laika, ni gribiešonys – to varbyut tai ari ir. A na jau – a, kai ta tu nū… tu tok lobs.. i uzmet lyupu. Tys nikas,maņ buļbu raža divreiz leluoka. Itei taida ilga kaukšona, bet par sļiktū kuram ir juopalīk. Tai vot i saīt – kai muoku tai maunu.

Piec vīnys sarunys dr.lv čatā, vīna podružka pascē cīš šmukai – kur suokuos zynuotne, tī beidzās muoksla – tai varātu nūsaukt munu niulinejū etapu. Vysaidi dzeivis pagrīzīņi. Kai ari EVS :-} Interesantys vibrācejis augstškolā.Vot.

Atsagrīžom pi podružkom. Braucūt vīnreiz auteņā iz Rēzekni, satyku tī vīnu cytu. Aizarunuom par pasuokumim. Kai reize i saguo, ka tymā nedelis nūgalē nūtyka “Upeitis Uobeļduorzs”. Jei prosa – A deļkuo pi myusu nikas nanūteik? Nav kur aizīt… – Es soku – Attīksmis vaicuojums.-  Daudzi jo daudzi uzdūd sev, cytim, “RV”, orākulim vaicuojumus – kod Rēzeknē byus kaida vīta (bārs,klubs,krūgs, i.t.t), kur n o r m ā l i  aizīt, patusēt, atsapyust? Tūpūšuo koncertzāle nikod sevi naatpeļneis, tys jasna. Bet Rēzeknē krūgu/klubu uzturēt ir interesanti, pylsātā, kur nu attīceigim kontingentim bais pošai policejai + apsorgi “vysus pazeist”. Tī ir uzjiemieju korstī akmineiši i treisstyureiši.

A tod maņ pazaruodē vaicuojumi – voi vyspuor myusem taida vīta, kur n o r m ā l i  aizīt, patusēt, atsapyust vajadzeiga?! Cik mes poši asom aizstaiguoš iz vītejūs teatru izruodem, muokslys izstuodem, baroka, jazz festivalim. i.t.t, kas nūteik tepat. I kū mes saprūtam ar vuordu atsapyust. I cik ilgi TEI vīta varātu pastuovēt? Kotru dīnu jau naīsi… I koč voi mes zynom, ka myusem ir vīns nu profesionaluokajīm amateru teatrim? Sovā zemē pravīšus natzeist. Tys ari jasna.

[Pīmāram – Viļņā ir Pasaulis leimeņa teatris, bez sovom telpom i bez nikaida vaļsts finansiejuma.]

Tok ni par teatrim es runoju. Tok kūpsummā …

Par attīksmem.

Vysaidi nūtykumi, vysaidys vibrācejis. Reigys svātki napatyka. Ļaužu daudz. Reāls pyuļs trisinei Vacreigā i prozaspraukt nikur navari, esi īrauts vydā. Palīk īkšeji švaki. Bet pasauļa metropolis eksistei i napalīk mozuokys. Varātu jau daudz kū īkomenteit i rozstuosteit, bet ni vysam tam ite juoatspūguļojās i ni vysu var saguoduot. Tok beju pi krystameitys i tāluoju jai vysaidus dzeivnīceņus.

Braucūt iz augstškolu, stuovieju pīturā i vierūs pretim pļovā reita saulē aprosuošuos smylguos, izbaudūt soltū seņtebra vieju.. tai kai apelsins nūkreit apjausme – Oppā! -seņtebris kluot ar jaunu cielīn . Leidz tam, nazkai..nu īt,īt tys laiks, bet te tai Hopš! Interesanti apjaušami.

Rudentiņš bagāts vīrs

Pateik tys vuordu salykums. Tys maņ sekoj leidz veļ nu Dpils laikim. Zam juo var pabuozt daudzkū. Vot, šūgod buļbu raža tik loba, lobuoka par paguošū godu div reizis, ka mama gryb jaunys problemys ar vuordu – Syvāns – . Ite, laikam es nikuo skaļi nasciešu. Jei ari puorlosa itū blogu

Bet bierneibys traumu, maņruodīs, naizdzēs nivīns. Tei ir kirbu-būrkonu pīna zupa. Omn-nom-nom. Nav švaka līta, ka par jīm ņirgojās Helouvīnūs. Cytur es kirbu pīlītuojumu naradzu. Ja nu sāklys semičku vītā. Puorauguse ūga ar līkīm kilogramim, kur jū puoraudzejūt da gola i nūzabiļdejūt ar jū, vari tik kaidā duorznīku žūrnalā, voi taipat draugūs īlikt galereju – Mans lepnums 2011 – . Iz Āfriku, boda cītiejim jau taidu naaizsyutēt. Pi myusem pošim gona taidu.

Piedejā laikā sūliejumi nu molu molm bierst i veļās, taipat kai tī kirbi. Kotru reizi leluoki i jūs vaira, puorsvorā ar tukšu vydu. Konkurentu aplīšona ar žuļti ruodīs jau ītylpst planā. Bet, kai zynoms (nu paguošuo īroksta), plans juopylda. Nazkai nūzasmieju otkon par lokālū avīzi „RV”. Iz vīnys puslopys SC slavynuošona, preteimā -„Cik vyss ir sĻikti i cik Ļauni ir ZRP”. Ai,ai,ai. Da maņ ruodīs cytys politiskuos reklamys tymā avīzē nav bejušys, kai viņ SC. Висс бус лаби!

Klasiskuos vierteibys, kai sevis – latgalīša apzynuošona pyrms vieliešonom, jau puorīt komisma bāzī. Pīvadumam, variants „Maņ ari baba nu Latgolys”. Te ir divi varianti. Atbiļdeit „Forši. Maņ ari”, voi kai nazkod sacē @saprge twitterī – Sist nu vysa spāka par ūlom- . Deļ tuo, ka itys teicīņs jau TAI dazarībīs, ka….. nav pat apzeimiejuma golvā. Atzeistu, sovūs 18 godūs, t.i, pyrmū reizi oficiāli nūbolsuoju par tīm, kū vairuok ruoda TV. Eipaši naasu par tū prīceigs, i nazalepoju, bet tymā laikā es naīzadziļinuojūs tymūs procesūs, lykās mozsvareigi, i taipat jau duraki tiks, jo jīm ari dorba vāg. Cik atguodoju, ogruok jau taidys standarta frāzis pa cīmu viņ blūdavuo – ja tev nazagryb struoduot, ej iz deputatim. Izaver, ka 20 godu laikā tys izskanies tuoļuok.

Deļ tuo aicynoju sovu bolsu nūdūt par normālim kanditatim, kas Latgolai varātu dūt, darēt, izdarēt vaira, na viņ pasceit – maņ baba nu Latgolys i dača pi azara.

Let the force be with you!

Vosora ir ari atvaļinuojumu laiks. Atvaļinuojums…tok kas tys taids?! Maņ juo nav. Taipat cylvāks pa tū atvaļinuojumu vibrejās i dorās, kai nikod. Da Rozamundis Pilčeris sižetim, myusem tuoļi. Verīs, vēļ vīns maratons nūskrīts, niu suoksīs cyta veida drystavuošonys.

Pasaulī vīna kataklizma piec cytys. Lai nasajuktu tuos tai ari sauc konkretys vaļsts vuordā – Japanys, Krīvejis, Norvegejis, niu Anglejā špāsi. Bet pi myusu aizakaviejs cyrks, jo biļetus vysi pierk lobpruoteigi. Vysaidys reformu reformys. Tok kai naasi bejs teļvīzerī voi kur cytur paruodies sovu mordačku, tai pagryušuok apsasēst cyrka pyrmejuos rynduos. Nivīns tevi naatpazeis i nadūs vītu, lai kaids tu lobs cylvāks i filantrops. Tok paraudzeit jau vari. Ar elkūnem.

Pa vosoru saguo sabyut kai mamai&tētem, kai trejadeibai (kai mani poši jaunīši īsauce) divuos jaunīšu naformaluos izgleiteibys apvuiceibuos. Troki gari nūsaukumi ar troki vīgļim atrysynuojumim.

Piec poša pabyušonys Eiropys Breivpruoteigajā dorbā, puors starptautiskajuos jaunīšu nūmetnēs asu cīši aizajiems ar naformalū izgleiteibu. Prīks, ka jei struodoj, koč pošam nu suokuma beja WTF? voi čo za nah@% izteiksme sejā. Prīks, ka Jaunīšu lītys, ir augstuoka leimenī, nakai desmit godus atpakaļ, kod es beidžu vydškolu. Tai jau saīt, ka nazkod špetnai sacieju –  školuotuojs nabyušu nikod! –. Formāluo – Naformaluo izgleiteiba… nu da.. “genim nikuo napadareisi”, kai saceitu muns tāvs.

Tys, ka LV izgleiteiba reāli ir čūkstā, tys nav nivīnam nikaids jaunums. Tys taipat, kai ar papeira skoču raudzeit nūstyprynuot bierstūšu apmatumu. Tei taida, valnūs, eipašuo eipašeiba myusu valsts cylvākam – ilgi dūmuot…. Mani daudzkas puorsteidz i izsauc apbreinu cylvākūs. Pyrmom kuortom – pats cylvāks. Turpynojom veļt žuļti iz vaļdeibu i.t.t., a kaidā pošvaļdeibys specialista omotā  “ līkom Aņeiti…jai tok dorba nav.” Cik tys cylvāks kompetents – who cares, vīta to aizpiļdeita. Plans juopylda. Tī jau muni personiskī nūvāruojumi, bet tys nūteik vysur ir vysūs virzīņūs. Cylvāka faktors.

Dreiži jaunīs vuiceibu/studeju gods. Myusu kursā asom palykuse viņ napylna puse nu tīm kas īzastuo paguošu godu. Optimali verūtīs – paliksem veļ mozuok. Augstuokuo izgleiteiba tūmār deļ tam jei ari ir Augstuokuo Tys nikas, ka filologim nav matematikys. Juopīkreit tam, ka Humanitarajūs stuojās viņ optimisti (ļaunijenotsmīkli).

Zynuot, ka IZM apmāram kotru nedeļi ir diveji atlyugumi? Deļ kuo Izgleiteibys ministra protipeli mātoj pa gaisu kai korstu ūgli, kuru nivīns nagryb pajimt? A kurīs jū pajam, tod par tū smejās kai par piedejū duraceņu?

Dažreiz cyrkā biļetis ir dabojamys akcejuos.

Vīnreiz, aš cīši paseņ, volkuodamīs škārsteiklā, uzadyuru iz http://www.iespejamamisija.lv/lv/ . Apsavieru, īzapatyka juos metodis, atsauksmis i golu golā kūpejuo fiška. Apsveru īspeieju piedejā kursā pats īzsastuot jūs rynduos. Prūtams, ja dzeivis ceļā nanūtiks kaidi cyti blokus efekti. Taitod, es sazafanuojīs šukareju pa vysu tū sātys lopu, mekleju kaidys ta školys byus dazasaciešys (jo programma vaļstī nu 2008.goda) … i muns reālīs šoks ar grimasi WTF? voi čo za nah@#  - nu vysys Latgolys VĪNA vydškola. V Ī N A! Tei poša Subatis vydškola. Reāli vysa Latvejis Austrumdaļa, kai daž Modūne i Alyuksne = 0

Tei poša fiška “… liksem vydā Aņeiti … ” ?

Maņ veļ da šam acīs stuov tei karte … Vīna školeņa pi Daugpiļs. To kas te iraida!!! Deļ kuo mes aizviņ navarim pījimt tuos iniciativys, jaunuos fiškys, kuruos struodoj?! Saprūtu, ka daļai školuotuoju ir Padūmu škola, a jaunajīm ir gulži dziļš poh@# iz audzynuošonys procesu, taipat kai vacajīm. Jaunuos pīduovuotuos idejis nu attīceiguom instancem tai i kruojuos golda trešajā atviļktnē. Ite var viļkt  paralelis gon storp vydškolu, gon augstškolu. Maņ ir bejuši vysaidi diktātveida pasnīdzieji.  Daudzi školuotuoji jau tai nikuo nadarē, kai nūjēme 10% pīmoksu tai vyspuor nikuo nadarēs. Quo vadis?

Apsavieru ituo goda īsaukumu tai pošai īspiejamai misejai. Hopā! Vīns džeks nu Rēzeknis Augstškolys. Vyspuor taids interesants frukts. I kai tu dūmoj, kur jam tī programmys diveji godi juonūstruodoj…. Valkā. Vot tev i Bonjorno!

Es saprūtu, ka ite muni šoka momenti par kaidom to zynomom lītom. I itei Īspiejamuo miseja nav vīneiguo, jaunūs ideju, inovaceju blokāde, tok, tyvojūtīs 1.septembram, aktualuokuo.

Moš itys blogs i špetnuok saguojs. Es saprūtu, ka mūdē “Vyss sļikti!” i “…Tu navari īzadūmuot cik maņ gryušai …”, bet voi teišom juogrīž mugorys i juodadzynoj tylti pa kurim varātu pastaiguot. Cik ilgi?

Cylvāku faktors voi strausu?

Leigū – folkekspediceja Ondrupenī – kuozys.

Leigū, kai Leigū. Jau trešu godu vīnā i tym pat vītā pi Vucānu babys  Jadvigys „Cieradryvuos”. Pasuokumam nūsaukums Wild open air Cieradryvys. Itū god tyka uzblīzta 10x10m vērtive (skotuve), pasuokuma atkluošona ar babys runu, Cieradryvu deju-dzīšmu- Jam sesion lieluzvedums. Treis dīnys bez telefona, jo zonu naguin. Treis dīnys taidā kai Kustaricys kinā (bet bez „Dejis ar nažim”) , bet ar vysu klavīru staipiešonu pa pļovu i ~ 100 cylākim kūpsummā. Lykuos, kai nūdzeivuots ir gods, jo īspaidu, nūtykumu cīši daudz.

myusu smukīs guņskurs

Cieradryvu pļova

Nuokušu god pauokumu taiseis Pedeleits.

I da nuokuša goda var sazagribēt aizbraukt gostūs da cytim.

Folkekspediceja izavērte inciresnuoka, kai beju dūmuojs. Braukalēm ar ritiņim pa apleicīņi, klausēmēs babu ( i ni viņ babu) stuostus, nūstuotus, receptus i.t.t. Pošus baruo ari… nu tai… spiecigai. Gon oficālajuos iedīņreizēs, gon gostūs pi cylvākim, kai pīmāram ite, pi vīna vīsu noma saiminīkīm -

Leidaka

 Tod jau nabeja spāka atpakaļ meitīs tūs 7km … i labi, ka sarunuom šopereišus – ka myusus kaidu gabaleņu provess ar mašiņi. Tai mes braucem –

Evika turē ritiņus, es šoperneicys pīna burkys.

Bet tūs atlykušūs 2km es tušu pa vysom molom, jo vādārā dzeivuo tei leidaka i sātys ols. I Ondrupenē ir kolni da lejis.

Kas nu Ondrupenis vēl palyka pruotā tys ir Edmunds Tukišs. Empozants cylvāks ar sovu redziejumu i pasauli. Patyka.

Kuozys.

Kuozys na maņ, a bierneibys draudzinei, kurei ženiejuos ar lītuvīti. Prūtams, obi dzeivojās pa Reigu, i.t.t. Tai, kai maratons beja īzasuocīs, nebej laika sašyut normālu kuozu sukni. A, kas tod ir normāla kuozu sukne?!  Lai voi kai, nu maratona naizlieksi, bet klumburiesi leidza. Golu golā aizguoju iz kuozom stilizātā tautu ītārpā. Staiguoju kai gaiļs. Nivīns nascē nikuo jo vysi tī muzykanti, da cyta veida muokslenīki nu Leitovys i LV. Leiši, kai leiši. Garšo jīm ols, maņ jūs sarunys. Runuom krīviski, jo munys paaudzis puiši i meitys. Jaunuokuo paaudze … reti kurš saprūt i runuos ar tevi krīvyskai. Kuozys mozeņis, bet slavnys. Bez pompys, sakaseitom i tortu cīneigom dāmu frizurom, pi kurom nav īteicams peipēt. Var nūdegt vyss i poši, i gostu sāta.

Patyka. Reidzinīkus ūtrā dīna aiztrīču iz Rāznu nūzamauduot, i izdzeit pampumu. Jo kai sacieju „…ka tā ir tava pirmā reize peldoties Rāznā, obligāti ir jāmauj pa pliko, citādi ūdens dieviņš sadusmosies un pati Rāzna apvainosies.”. Biļdis nav, jo maņ jūs veļ pošam nav.

Niule siežu i verūs kalendaram sejā – prīškā veļ Maratons II. Drycanu jaunīši seņ atpakaļ gribē rakstiet projektu…. sarakstēm… rezuļtatā byus naformaluos izgleiteibys apvuiceibys ar cīš poetisku nūsaukumu „Latgolys bārni” (jī poši dūmuo nūsaukumu ). Stuosteisem par ltg jaunuokū muzyku, literaturu, tradicinālū – natradicionalū kuļturu, itt. I kai jau naformaluo izgleiteiba, tod pošim dazateikušim jaunīšim ari vajadzēs kū naviņ dariet. Te ni pampšona „otkon mistiskīs seminars”.

Nu, tai. Pagaidom pošam pateik, bet … redzēs cik ilgi. Koč kai tei breivpruoteiguo dzela jau suok apnikt i laiks , ai, labi. Što tam…

Itamā nedelē byus gosti. Atbrauc A.Buševica nu Latvijas Radio. Leidz gruomotys izdūšonai gryb uztaisiet portretraidiejumu. Redzēs, kas nu sarunuotuo raidiejumā saīs.

Veļ pa nedeli gostūs īluočuos Vaļuks ar E.Zači (Jī drusku apceļoj Latgolu). Paliks par nakti. Tod mes dūsimēs ~ 8 – 10km puori Drycanim, Piļcinei, Beļevičim, puori Sološņīku azaram ar laivu iz Zača sātu. Deļ tam es nabyušu iz Rēzeknis nūvoda dīnu final pasuokmumim i iz Latglīšu Woodstoku aba Muzykys Skrytuļi. … (bet veļ redzeis).

Maņ nazkai piec ituo maratona drusku gona… nazkai gona vysa. A tod jau festivalā pazaruodīs -> materialuos izmoksys + gon jau kas veļ + līki stresi i navajadzeigys emocejis.

Ja maņ byutu dveiņu bruoļs, es veļ padūmuotu. (ļaunijenotsmīkly)

Kalendarā pi sīnys aizzeimuots i atzeimāti vysaidi nūtykumi pa vysu vosoru. Augustā jimšu sova veida plenēru Ceradryvuos. Tys taidā gadīnī, ka Jurs maņ naizbesēs . Tai i saīt, ka byus juoizmontoj kotra vosorys breiva šaļteņa.

Kaštani, cereņi i.c plaukumi rozplaukuši i smuordoj. Nazkai, vuiceidamīs eksamenam, izguoju i balkona, kas ir Almys terase, i apreibu nu virmuojūšuom smaržom. Pyrmū reiz dzeivē. Tod mauce viersā leits ar pārkiuni. Tod mozs nagaiseņš. Paspieju izsmaržuotīs laikus. Alma ari.

Muns “japaņu leits” nūtyka paguošu godu, kod atbraucs nu vīnom nūvadeitom kuozom, siedieju ar olu duorzā i vierūs kaštanūs. Maņ jī pateik… Tod sazaceļ feini sylts viejs, apgluostei mani, radzādams munu ārtū turku pōzu, īzaskrīn i rozšketinei kaštanu zīdus, saveļ komulī i svīž maņ jūs sejā, iz motim, kliepī. Kai puosokā, kurymā nav centralūs varūņu. Tai es iz benča atsiedieju vysu “leita” laiku. Saprotu, ka tuoli maņ da geišom i juom da mane.

Ar kuozom bogota i itei vosora. Kai jau īrosts. Episkuos problemys kū viļkt mugorā i.t.t. Džeki var izaleidzēt ar vydškolys biņdzuceņu . Itū vosoru asu lyugts apmekleit divys kuozys. Vīnuos varēs normāli, byut par parostū gostu i paklinēt piec mičuošonys, ūtrymuos gon…tī vedieja lūma. Nagaidu ni nu vīnys nikuo – juos pošys paruodēs.

Kurš zyna, kurš nā, tok Rēzekneitē ir atsadariese taida vīta, kai COCO bārs.

Beju iz atkluošonys pasuokumu. Taitod, nalels aproksts –

Telpa L burta veidā ar vysu bāru, ar vysu skapa elementu jimā. Patyka bāra lustrys. Nu Krīvejis, laikam. Mebelis apleik “meikstuos”. Var vuoļuotīs. Augšejā stuovā chill out ustobys. Vokora turpynuojumā nu ļaudim izskanē replikys, ka jos atstuoj divdūmeigu īspaidu. Kas kuram. Ruodīs, ka taiduos ustabeņuos ir lobuok bučuotīs i aiztikt vīnam ūtru, na uorā aiz pakša. Kūpejuo nūskaņa – švīteigs, vintage, chill out bārs. Pin up girls ar beja īzarodušuos uzraut kaidu danci i uzsaukt apkuort lākojūšīm puišeļim pa mēriņam. Vyss elementā. Rēzeknē taida nav. XS ir sovaižuoks.

Atkluošonā main gostu lūmā spieļuo Dabasu Durovys. Nazynu, kai vysim, leluokajai daļai patyka jūs uzastuošonuos. Da, ari zānim spieliešonys skills podaudzs. Piec jūs nūspielātīm setim vibrē dziskoceka. Maņ vysa ļuste beidzēs ap 3.00 stuņdem – kod atskaņuo nazynomys izcelsmis krīvu popsu. Nikod naasu ar jū aizaruovs, deļ tam gryuši sprīst. Tok ceru, ka tys naklius par īrodumu. Ruodīs, ka ni deļ tam pierktys “meikstuos” mebelis. Taidu klubu/bāru pīteikūši i gona Rēzeknē. Vyspuor byutu feini, ka COCO bīžuok skaneitu “dzievuo muzyka”, tys dažkiertu eipašū nūskaņu, kai tuos tapetis i niule izstoroj. Lai nu kai i kas iz prīšku, elegants bārs. Byus interess apmekleit veļ. Atsarūt pi LMT i gaļis veikala, preteimā ~ Mirmex. Enjoy. Cenys … cenys, kai deļ taida švīteiga bāra. Napaprasieju viņ cik moksoj litris ašņa.

Tys vysā vysumā i vyss. Maņ seseja i … ai.

Vīna nu ituom nedelis naktim beja reti rībeiga. Atguodoju niu. Varbyut teišom vaineigs mieness. Bet jis principā mani nikod nav trauciejs. Voi varbyut vaineigi muni marlis širmeiši. Taida caura, pusmīga  sajiuta. Atbredzej vīnā bredziešonā ar nūsolušim ceļgolym. Tod apneikst i juozaceļ piec ūtra deča. I guliešona kai nūgiutam karašam, kurs sazapinīs teiklā kūdrys pūrā.

Veļ es naasu vuiciejīs nikur zeimēt, i voi tys byutu juosoka skaļai?

Dreiži suoks garšuot roltoni i pītiks sutkā ar treis stuņdem mīga. Tok cerieju, ka ni taida, kod boltajā klusumā sajiutys sazaasynoj puora reižu, i bez optikys var redzeit mieneša krāterus.

 Parostīs zeimuļs, bet skanejūt izaver sovaižuok. Ar vysim kopeja plečim.

 Taidys dūmys spīde smedziņus kai blenders. Vakar piec vysim zvaigžņu karim, piec vokora izskaitamuos presis aizmygu i gulieju, kai bārns. Aš proguleiju pyrmū lekceji, nadzierdieju sābra zvonu ar saucīņi – Nu, braucom? – (iz Rēzekni)

Taidi mīgumīgi atsver vysus stresuošonys i drystavuošonys. Bet bez juom nikur.

Atguodoju sapynus. Tok ni detaļuos.

Lela “Family guy” epizode. Nazkaidys jaunys serejis. Prūtams, munys fantāzejis ekranizātys, kur vysi Spooner street personaži dzeivuo mistiskūs džungļūs lelā solmu sātā zam vīna jumta. Kotram beja sovs pīnuokums. Smīkleiguokīs, prūtams, beja P.Griffins havajīšu svuorkūs. Kod jis sataisē akvāreju jam nikas vaira nainteresē. Atguodoju, ka reāli divreiz skaļi smiejūs.

Ūtrymā daļā ar Dzigys kolegom i  dažim eksemplarim nu jaunuo veiru kuorā Graidi, klejuom pa pludmali. Piec nazkaidys katastrofys. Ite smīkleiguokīs – kapkanu taiseišona deļ lopsom nu bārzu.

Tai tei zemapziņa reproducej myusu naizsmeļamū informaceju kas poša ar sevi sazadorboj vysdažaiduokūs veidūs.

Pagaidom pylnmieness, dažim tys djubnei pa pīri vairuok